പുത്തന്‍ നൃത്ത വിഡിയോ പങ്കിട്ട് നടി അഹാന കൃഷ്ണ. കൂട്ടുകാരിയുടെ വിവാഹ പാര്‍ട്ടിക്കിടെയുള്ള വിഡിയോ ദൃശ്യങ്ങളാണിത്. ആഘോഷവേദിയില്‍ 'ലുങ്കി ഡാന്‍സ്' എന്ന ഹിറ്റ് പാട്ടിനൊപ്പമാണ് അഹാന ചുവടുവച്ചത്.

ഇംഗ്ലിഷ് പാട്ടുകള്‍ മാത്രം പ്ലേ ചെയ്തുകൊണ്ടിരിക്കുന്നതിനിടയില്‍ പെട്ടെന്നാണ് 'ലുങ്കി ഡാന്‍സ്' പാട്ട് വച്ചതെന്നും കേട്ടപ്പോള്‍ ആവേശമായി എന്നും കുറിച്ചുകൊണ്ടാണ് അഹാന നൃത്ത വിഡിയോ സമൂഹമാധ്യമങ്ങളില്‍ പങ്കുവച്ചത്. വിഡിയോ ഇതിനകം വൈറല്‍ ആയിക്കഴിഞ്ഞു. ആഘോഷവേളയിലെ ചില ചിത്രങ്ങളും അഹാന പോസ്റ്റ് ചെയ്തിട്ടുണ്ട്.

പിടികിട്ടാപ്പുള്ളിയാണ് അഹാനയുടേതായി ഒടുവില്‍ റിലീസ് ചെയ്ത ചിത്രം. നാന്‍സി റാണി, അടി എന്നീ ചിത്രങ്ങള്‍ റിലീസിനൊരുങ്ങുന്നു.